Álem tamsanǵan ásem meshittiń arhıtektýrasyn áıel adam jasaǵan (FOTO)
ASTANA. QazAqparat - Stambýlda ornalasqan «Shakırın» meshiti tek Túrkııada emes, dúnıejúzi boıynsha zamanaýı meshitterdiń qatarynda. Bul týraly muslim.kz saıty habarlady.
Onda: «Bir qyzyǵy, erekshe arhıtektýranyń avtory - názik jandy áıel kisi. Zeınep Fadyloǵlý esimdi musylman qyzy buǵan deıin álem moıyndaǵan ásem de záýlim meıramhana men qonaqúılerdiń dızaınyn jasaǵan» dep jazylǵan saıtta.
Aqparat málimetine súıensek, meshit 2009 jyly Stambýldyń dinı aýdandarynyń biri Úskidarda salynǵan. Qurylysyna 4,5 jyl ýaqyt ketken erekshe dızaındy meshit 500 adamǵa arnalyp salynǵan kórinedi.
