Álem Mıshel Obamanyń qansha aqsha jumsaıtynyn bildi
ASTANA. 14 naýryz. QazAqparat - Hakerler Internet jelisinde keıbir amerıkalyq saıasatkerler men juldyzdardyń jeke aqparatyn jarııalady, dep habarlady Ýtro.rý.
Eldiń úsh iri nesıelik uıymy - Experian, Equifax jáne TransUnion qylmyskerler tanymal tulǵalardy taýyp alyp, olardyń nesıelik tarıhyna qol jetkize alǵanyn rastady. Kıberqylmyskerlerdiń qurbandarynyń arasynda AQSh-tyń birinshi hanymy Mıshel Obama da bar.
Barlyǵy 24 adam hakerlerdiń qurbany boldy. Amerıka prezıdentiniń zaıybynan basqa olardyń arasynda shoý-bıznes juldyzdary Beıonse, Brıtnı Spırs jáne Kane Ýest, akterler Arnold Shvartsennegger, Eshton Katcher jáne Mel Gıbson bar. Sondaı-aq exposed.su saıtyndaǵy jalpy qoljetimdi tizimde Memlekettik departamenttiń burynǵy basshysy Hılları Klınton, vıtse-prezıdent Djo Baıden, prezıdentke kandıdat Mıtt Romnı men mıllıarder Donald Tramp bar.
Aıta keteıik, bul tizim saıtta Keńes Odaǵyna bólingen su domenimen jarııalandy. Sondaı-aq Twitter-de bul málimetterge silteme jasalǵan akkaýnt quryldy. «Sálem, álem. Biz - exposed. Maqsatymyz - barlyqtaryńyzǵa bul, bizdiń qorymyzda bar azdaǵan trıýkterdiń biri ekenin kórsetý», - delinedi habarlamada.
