Álem kýbogynyń kezeńinde qazaqstandyq bıatlonshy jigitter kórsetkishterin jaqsarta almady
ALMATY. 11 qańtar. QazAqparat - Keshe Germanııanyń Rýpoldıng qalasynda bıatlonnan Álem kýbogynyń 5-shi kezeńi barysynda erler arasyndaǵy estafetalyq jarystar ótti.
Onda qazaqstandyq sportshylar -Aleksandr Shervınkov, ıAn Savıtskıı, Sergeı Naýmık pen Aleksandr Trıonov 26 komandanyń arasynan 19-shy oryn aldy.
Buǵan deıin Germanııanyń Oberhov qalasynda ótken Álem kýbogynyń 4-shi kezeńinde A. Shervınkov, ıA. Savıtskıı, S. Naýmık pen D. Keneshov 24 komandanyń arasynan 17-shi orynǵa taban tiregen bolatyn.
Jigitterge qaraǵanda bul dodada áıelder quramasy birshama sátti óner kórsetýde. Olar 4-shi kezeńdegi nátıjesin saqtap qaldy. Atap aıtqanda Elena Hrýstaleva, Darııa Ýsanova, Alına Raıkova men Marına Lebedeva komandalyq esepte 22 komandanyń arasynda 12-shi oryn ıelendi. Al Oberhovta olar 18 komandanyń arasynan 12-shi satyǵa turaqtaǵan bolatyn.
