Álem kýbogynda Qazaqstan úzdik bestikten kórindi - Baký
ASTANA. 14 mamyr. QazAqparat - Ázirbaıjannyń Baký qalasynda ótken erkin kúresten Álem kýbogy aıaqtaldy. Osy halyqaralyq dodada qazaqstandyq palýandar jalpy esep boıynsha 5-shi orynǵa ıe boldy.
A tobynda óner kórsetken Qazaqstan quramasy bastapqy básekelerde Belarýs pen Bolgarııa sportshylaryn 5:2 esebimen jeńgen edi. Biraq keıin Reseı jáne Ázirbaıjan komandalarynan utylyp qaldy. Sóıtip, 5-shi oryn úshin Grýzııamen talasyp, osy eldiń palýandaryn 5:2 esebimen tize búktirdi. Osy halyqaralyq saıystarda Qazaqstannyń namysyn Rasýl Qalıev (55 keli), Amandyq Bakeev (60 keli), Leonıd Spırıdonov (66 keli), Seıfatdın Osmanov (74 keli), Semen Semenov (84 keli), Álıhan Jumaev (96 keli) jáne Dáýlet Shabanbaı (120 keli) qorǵady.
