Álem kýbogynda elordalyq aýla klýbynyń tárbıelenýshileri chempıon atandy
ASTANA. QazAqparat - Aǵymdaǵy jyldyń 5-8 qazan aralyǵynda kıokýshınkaı karate boıynsha "World Dream Cup" («kumite» jáne «kata» sektsııalary) ashyq Álem kýbogy ótti, habarlaıdy elorda ákimdiginiń medıa ortalyǵy.
Chempıonat Býdapesht qalasynda (Vengrııa) balalar, jasóspirimder, eresekter men ardagerler arasynda ótkizildi. Kýbokqa Qazaqstan atynan 12 sportshy, sonymen qatar Germanııa, Reseı, Vengrııa, Ýkraına, Belorýssııa, Belgııa, Shvetsııa, Ispanııa ókilderi qatysty.
Jasóspirimder arasynda Astana qalasynyń «Cross Fit Kids» aýla klýbynyń tárbıelenýshileri úzdik nátıjeler kórsetti: Imanverdıev Mansur men Ibraev Shyńǵyshan 1 oryndy jeńip alsa, al Ibraev Arlan 2 oryn ıesi atandy.
«CrossFit Kids» aýla klýby bıylǵy jyldan bastap tegin túrde karate-kıokoshýnkaı, krossfıt, greplıng sektsııalary boıynsha Astana qalasynyń Jastar saıasaty máseleleri basqarmasynyń qoldaýymen jumys istep keledi, biraq osy qysqa merzimde kóptegen jarystarda jaqsy nátıjelerge qol jetkizdi.
Aýla klýby Keńesary kóshesi, 42 adresi boıynsha ornalasqan jáne árbir kelýshilerge esigi ashyq.
