Álem kýbogynda 4 qaraǵandylyq karateshi júlde aldy
QARAǴANDY. QazAqparat – Qaraǵandylyq sportshylar Máskeýde ótken kıokýshınkaı karateden ótken Álem kýbogynda tórt medal jeńip aldy, dep habarlaıdy QazAqparat tilshisi.
Jarysqa Qaraǵandy oblysynan «Búkilqazaqstandyq kekýshınkaı karate uıymy» Respýblıkalyq qoǵamdyq birlestigi fılıalynyń tárbıelenýshileri qatysty. Jarys qorytyndysy boıynsha Dýman Baltabaı altyn medaldi jeńip aldy, Regına Meshkovaǵa «kúmis» buıyrdy, Alekandr Troshkın men Karına Sultanovaǵy qola medaldar tabys etildi.
Týrnırge álemniń 44 elinen kelgen myqty sportshylar qatysty. Trıbýnadaǵy jekpe-jekterdi bes myńǵa jýyq kórermen tamashalady. Jarys onlaın rejıminde kórsetildi.
Saltanatty ashylý rásimine Japonııanyń ataqty karate sheberleri, atap aıtqanda halyqaralyq uıymnyń Bas dırektory Shıhan ıAsýhıro Sıchınohe, Ýchı - Desı Sosaıa Masýtatsý Oıama - Shıhan Sıgera Tabata jáne uıymnyń dırektory Ioshıkazý Koı qatysty.
Aıta ketsek, International Karate Organization «Kyokushin kaikan Union» álem kýbogy qatarynan altynshy ret ótýde. 2011 jyly bul týrnır Qazaqstanda ótti.
