Álem kýbogy: ıÝlııa Galysheva kishi fınalǵa qatyspaı qoıdy
ASTANA. QazAqparat - Frıstaıl-mogýldan Qazaqstan komandasynyń bas bapkeri Elena Krýglyhına Japonııadaǵy álem kýbogy kezeńinde Galyshevanyń jarystan bas tartý sebebin túsindirdi dep habarlaıdy Olympic.kz.
Aıta ketsek, Tazavakoda ótip jatqan álem kýbogi dodasynda qazaqstandyq ıÝlııa Galysheva jartylaı fınalǵa jetip, frantsııalyq Perrın Laffonnan utylǵan bolatyn.
Paralleldi mogýl erejesi boıynsha, Galysheva qola medalǵa talasýy kerek edi. Alaıda, ıÝlııa kishi fınalda avstralııalyq Entonı Djakaramen jarysýdan bas tartty.
Bas bapker Elena Krýglyhına sportshynyń mundaı sheshimge nelikten barǵanyn túsindirdi.
«ıÝlııa qandaı da bir jaraqat alǵan joq. Ol sporttyq babynda. Onyń qola medal úshin ótetin jarysqa shyqpaýyna tóreshilerge degen renishi sebep boldy. ıAǵnı, biz tóreshiler sheshimimen kelispeımiz. Sol sebepti, ıÝlııa jarysqa shyǵýdan bas tartty. Endi ári qaraı, kezekti jarystarǵa daıyndalamyz» , - dedi bas bapker Krýglyhına.
Galysheva jekeleı synda qola medal ıelengenin habarlaǵan bolatynbyz. Qazaqstan quramasynyń ózge sportshylary júldege ilikken joq.
