Álem kýbogy: Sý dobynan Qazaqstan quramasy Izraılmen kezdesedi
ASTANA. QazAqparat – Búgin sý dobynan áıelder arasyndaǵy álem kýbogy jartylaı fınalynda Qazaqstan quramasy Izraıl komandasymen kezdesedi, dep habarlaıdy QazAqparat tilshisi.
Álem kýbogynyń irikteý kezeńi Germanııa astanasy Berlın qalasynda ótkizildi. Іrikteý kezeńinde qazaqstandyq sportshylar Germanııany 11:7, Ulybrıtanııany 15:7 esebimen tize búktirdi.
Al, úshinshi kezdesýinde Jańa Zelandııaǵa 8:15 esebimen jol berdi. Qarsylastar V tobynda alǵashqy eki orynda turǵan edi. Jeńgen jaǵdaıda atalǵan topta birinshi orynǵa jaıǵasýǵa múmkindik alatyn. Bul jaǵdaıda jartylaı fınalda A tobynda ekinshi oryn alǵan quramamen kezdesetin.
Degenmen, jeńilgennen keıin qazaqstandyq sportshylar A tobynda kósh bastaǵan Izraılge qarsylas atandy. Jeńimpaz qurama álem kýbogy fınaldyq satysyna barady.
Taǵy bir joldamany Jańa Zelandııa men Ońtústik Afrıka sarapqa salady.
Álem kýbogynyń fınaldyq satysy 23-25 maýsym kúnderi AQSh-tyń Long-Bıch qalasynda bolady.
Eske salsaq, sý dobynan Azııa chempıonatynda elimizdiń erler jáne áıelder quramalary qola júlde aldy.
