Álem Kýbogy kezinde shaıba men hokkeıshilerdi baqylaıtyn jańa tehnologııa iske qosylady
ASTANA. QazAqparat - Ulttyq hokkeı lıgasynyń Álem Kýbogyn tikeleı efırden kórsetken kezde shaıba men hokkeıshilerdi baqylaıtyn jańa tehnologııasy iske qosylady. Bul týraly UHL resmı saıtynda habarlandy.
Álem kýbogy Torontoda 17 qyrkúıek pen 1 qazan aralyǵynda ótedi.
UHL Sportvision kompanııasymen áriptestik kelisim jasaıtyndyǵyn málimdedi. Ol osyndaı ázirlemelermen aınalysyp, olardy týrnır ýaqytynda paıdalanatyn bolady. Arnaıy qurylǵy shaıbaǵa ornalastyrylyp, hokkeıshilerdiń keýdeshelerine tigiledi. Kúlli arena boıynsha ınfraqyzyl kameralar ornatylady. Sportvision aqparatty oqyp, ony oıyndy tikeleı kórsetetin ESPN jáne Sportsnet arnalaryna usynady. Osylaısha olarda hokkeıshilerdiń jyldamdyǵyn, traektorııasyn, ara qashyqtyǵyn, soqqan shaıbalaryn laqtyrý qashyqtyǵy, shaıbany ıgerý baǵyty, derekterin baqylaý múmkindigi paıda bolady.
