Álem kýbogy kezeńi: Qazaqstandyq short-trekshiler tórtinshi oryn aldy
NUR-SULTAN. QazAqparat – Japonııanyń Nagoıa qalasynda short-trekten márege jetken álem kýbogynyń úshinshi kezeńinde Qazaqstan erler quramasy estafetalyq synda tórtinshi orynǵa ıe boldy, dep habarlaıdy QazAqparat tilshisi.
Qazaqstandyqtar 5 myń metrlik estafetada A fınalynda Qytaı, Ońtústik Koreıa jáne Reseı quramalarymen synǵa tústi.
Úzdik kórsetkish kórsetken qytaılyqtar jeńimpaz atansa, koreıalyqtar ekinshi, reseılikter úshinshi orynǵa ıe boldy.
Qazaqstannyń eńbek sińirgen jattyqtyrýshysy Mádiǵalı Qarsybekov jattyqtyratyn shorttrekshilerdiń úzdik tórttiktiń qataryna iligýiniń ózin jaqsy tabys dep esepteýge bolady.
Jekeleı qashyqtyqtarda qazaqstandyqtar V fınalynda ǵana óner kórsete aldy.
Endi álem kýbogynyń tórtinshi kezeńi 6-8 jeltoqsanda Shanhaı qalasynda ótedi.
Munyń bári aldaǵy jylǵy álem chempıonatyna, sondaı-aq 2022 jyly Beıjińde ótetin qysqy Olımpıadaǵa daıyndyq bolyp esepteledi.
Eske sala keteıik, budan buryn Qazaqstan erler quramasynyń júldeli oryn talasatynyn jazǵan bolatynbyz.
