Álem kýbogy: Altynshy kezeńde qazaqstandyq bıatlonshylar sátsiz óner kórsetti
ASTANA. QazAqparat - Antholtsta (Italııa) ótip jatqan bıatlonnan álem kýbogynyń altynshy kezeńinde Qazaqstannyń erler quramasy sprıntte (10 shaqyrym) sátsiz óner kórsetti, dep habarlaıdy QazAqparat.
Atalǵan synda el namysyn qorǵaǵan sportshylar arasynan eń úzdik nátıjeni Vladıslav Vıtenko kórsetti - 52 oryn. Al ózge otandastarymyzdyń arasynan Vasılıı Podkorytov 69-shy orynǵa, Roman Eremın 77-shi orynǵa, al Maksım Braýn 100-shi oryndarǵa jaıǵasty.
Atalǵan dodada bas júldeni norvegııalyq Iohannes Be jeńip alsa, ekinshi oryndy frantsııalyq Marten Fýrkad ıelendi. Al úzdik úshtikti germanııalyq Arnd Paıffer qorytyndylady.
Bıatlonnan álem kýbogynyń VI kezeńi, Antholts-Anterselva, Italııa
Erler:
Sprınt, 10 shaqyrym
1. Iohannes Be (Norvegııa) - 23:19.3
2. Marten Fýrkad (Frantsııa) - +12.8
3. Arnd Paıffer (Germanııa) - +42.2
52. Vladıslav Vıtenko (Qazaqstan) - +2:37.0
69. Vasılıı Podkorytov (Qazaqstan) - +3:05.2
77. Roman Eremın (Qazaqstan) - +3:19.6
100. Maksım Braýn (Qazaqstan) - +4:20.8
Endi, erteń Astana ýaqytymen saǵat 18:15-te áıelder, 20:00 de erler quramasy izge túsý saıysy boıynsha úzdikterdi anyqtaıdy.
