Álem kýbogy-2023: Qazaqstandyq boksshylar 9 medal jeńip aldy

ASTANA. QazAqparat – Qazaqstandyq boksshylar Býdvada (Chernogorııa) ótken jastar arasyndaǵy bokstan 2023 jylǵy Álem kýbogynda óner kórsetti, dep habarlaıdy QazAqparat Sports.kz portalyna silteme jasap.

Bul týrnırde Qazaqstannyń erler quramasy 9 medal jeńip aldy – bir altyn, eki kúmis jáne alty qola. Qazaqstan atynan jalǵyz Dáýlet Tólemisov (80 kg) chempıon atandy. Álıhan Nurzaq (75 kg) pen Ersultan Sapar (+92 kg) kúmis medal enshilese, Amanat Nurlybek (48 kg), Islam Máshkentaev (51 kg), Nurbek Mursal (67 kg), Islam Sovetov (71 kg), Dıhan Shaıqybekov (75 kg) pen Nurjan Dýman (92 kg) týrnırdi «qolamen» qorytyndylady. Jalpy jastar arasyndaǵy Álem kýbogy-2023 jarysyna áýelde Qazaqstan komandasynan 12 sportshy qatysqan bolatyn, olardyń úsheýi medalǵa jetpeı súrindi. Olar: Janseri Kósherbaev (54 kg), Óner Seıilhan (67 kg) jáne Sanjar-Álı Begálıev (71 kg).