14:00, 28 Naýryz 2025 | GMT +5
Álem kýbogynyń kezeńine qatysatyn burymdy boksshylar anyqtaldy
Bokstan Qazaqstan áıelder quramasynyń bapkerler shtaby Brazılııada ótetin álem kýbogy kezeńine qatysatyn sportshylardyń tizimin jarııalady.

Ulttyq olımpıadalyq komıtettiń málimetinshe, bul bedeldi halyqaralyq týrnırde elimizdiń namysyn úsh boksshy qorǵaıdy. Olar: Jazıra Oraqbaeva (51 keli), Anıta Ádisheva (54 keli), Uljan Sársenbek (57 keli).
Aıta keteıik, álem kýbogynyń kezeńi 31 naýryz ben 5 sáýir aralyǵynda ótedi.
Eske salsaq, buǵan deıin deıin Týrızm jáne sport vıtse-mınıstri Serik Jarasbaev Los-Andjelestegi Olımpıada oıyndaryna bokstan elimizdiń quramasy qalaı daıyndalyp jatqany týraly túsinik bergen bolatyn.