Álem kýbogynyń kezeńi: el quramasy qazirgi bessaıystan kúmis medal aldy

ASTANA. KAZINFORM – Qazaqstan quramasy qazirgi bessaıystan Mysyrdyń Kaır qalasynda ótip jatqan Álem kýbogynyń kezeńinde kúmis júlde jeńip aldy.

Atalǵan dodada qazaqstandyq sportshylar aralas estafetada 1337 upaı jınap, ekinshi orynǵa turaqtady. El namysyn Temirlan Ábdiraıymov pen Lıýdmıla ıAkovleva qorǵady.

Bul synda altyn medaldi 1350 upaı enshilegen Meksıka eliniń quramasy qanjyǵasyna baılady.

Al úzdik úshtikti Ońtústik Koreıa komandasy qanjyǵasyna baılady.

Aıta keteıik, bul jarysqa 45 elden kelgen 100-den astam eń úzdik sportshylar qatysyp jatyr.