Álem kýbogynyń fınalyna qaı elden qansha boksshy shyqty

ASTANA. KAZINFORM - World Boxing federatsııasynyń uıymdastyrýymen ótip jatqan álem kýbogynda qaı elden qansha boksshy fınalǵa shyqqany belgili boldy. Bul jóninde Qazaqstan boks federatsııasy málim etti.

Búgin Brazılııada álem kýbogynyń sheshýshi kúni jeńimpazdar anyqtalady. Bedeldi básekege rekordtyq 50 elden 400-den astam boksshy qatysyp jatyr. Endi básekeniń aqtyq synyna 19 eldiń ókili joldama aldy.

Bul jóninen Brazılııa quramasy 4 boksshymen kósh bastap tur.Odan keıingi oryndardaǵy Qazaqstan men Qytaı 4, Ázerbaıjan 3, Norvegııa, Majarstan, Ózbekstan, Polsha, Ispanııa 2 úzdigine úmit artady.

Sondaı-aq fınalda Aýstralııa, Armenııa, AQSh, Serbııa, Meksıka, Frantsııa, Marokko, Venesýela, Japonııa jáne Horvatııa 1 boksshysyna senim bildirip otyr.

Aıta ketsek, búgin kúndizgi sessııada Vıktorııa Grafeeva (60 keli) brazılııalyq Rebekka Santos, keshki sessııada Aıda Ábikeeva (65 keli) ózbekstandyq Navbahor Hamıdova, Sultanbek Aıbaruly (85 keli) brazılııalyq Kaýe Belını,Valerııa Aksenova (81 keliden joǵary) majarstandyq Sofııa Zıramen sharshy alańǵa shyǵady.

Kúndizgi sessııa Qazaqstan ýaqytymen 19:00 -de jáne keshki sessııa 1:00-de bastalady.

Bedeldi báseke Brazılııanyń Fos-dý-Igýasý qalasynda 20-26 sáýir aralyǵynda ótkizilip jatyr.