09:11, 25 Naýryz 2025 | GMT +5
Álem kýbogynda qazaqstandyq para dzıýdoshylar 3 medal aldy
ASTANA. KAZINFORM - Bul jóninde QR Týrızm jáne sport mınıstrligi málim etti.

Grýzııa astanasy Tbılısıde 24-25 naýryz aralyǵynda kórý qabileti zaqymdalǵan sportshylar arasynda para dzıýdodan álem kýbogy sarapqa salyndy. Dúbirli dodada 19 elden 120-dan astam tatamı sheberleri baq synasty.
Jarystyń alǵashqy kúninde el quramasynan Aqmaral Naýatbek (J2 48 keli) pen Alfııa Tlekqabyl (J1 52 keli) jeńimpaz atandy. Al Ǵalymjan Smaǵululy (J2 81 kg) kúmis medalǵa ıe boldy.
25 naýryzda Erlan Ótepov (J1+95 keli), Talǵat Ajǵalıev(J2+95 keli), Baǵlanbek Ońalbek (J1+95 keli) pen Abylaı Ádilbekov (J1 95 keliden joǵary) synǵa túsedi.
Eske salsaq, budan buryn paradzıýdodan Qazaqstan quramasy Grand Prix týrnırinde top jardy.