Álem kýbogyna qatysatyn bokstan Qazaqstan erler quramasy anyqtaldy

ASTANA. KAZINFORM - Bul jóninde Qazaqstan boks federatsııasy málim etti.

бокс
Фото: pixabay.com

Álem kýbogynyń birinshi kezeńi World Boxing aıasynda 30 naýryz - 6 sáýir aralyǵynda Brazılııada ótedi dep josparlanyp otyr.

Bul jarysta elimizdiń atynan Nurzat Ońǵarov (50 keli), Nursultan Altynbek (55 keli), Talǵat Syrymbetov (60 keli), Almat Ábdýáli (65 keli), Darhan Dúısebaı (70 keli), Dıas Moljigitov (80 keli), Dáýlet Tólemisov (85 keli) jáne Danııal Saparbaı (90 keliden joǵary) bar.

World Boxing týrnıri úsh kezeńnen turady. Ekinshi kezeń 30 maýsym - 7 shilde aralyǵynda Qazaqstanda bolady. Al úshinshi kezeń 21-27 shilde aralyǵynda ótedi. Biraq onyń ótetin orny ázirge belgisiz.

Eske salsaq, Halyqaralyq Olımpıadalyq komıtetiniń (HOK) 144-shi sessııasynda 2028 jyly Los-Andjeleste ótetin Olımpıada oıyndarynyń baǵdarlamasyna boksty qosý týraly sheshim qabyldandy.

Сейчас читают