15:33, 09 Naýryz 2025 | GMT +5
Álem kýbogy: Zeınolla Ydyrysov qola júldege ıe boldy
ASTANA. KAZINFORM – Qazaqstandyq gımnast Zeınolla Ydyrysov Bakýde (Ázirbaıjan) ótip jatqan Álem kýbogynyń kezeńinde qola júldeger atandy.

Ol at snarıadyndaǵy jattyǵýlar fınalynda sátti óner kórsetip, tóreshilerdiń sheshimi boıynsha 14,400 upaı jınady.
Jeńisti amerıkalyq Brendon Deng (14,633) ıelendi. Ekinshi oryndy Patrık Hýps (AQSh) – 14,533 upaımen aldy.
Aıta keteıik, Qazaqstan quramasynyń enshisinde qazir úsh medal bar. Buǵan deıin Mılad Karımı (erkin jattyǵý) men Dmıtrıı Patanın (qossyryqtaǵy jattyǵý) kúmis júldege qol jetkizgen edi.
Eske salsaq sporttyq gımnastıkadan qazaqstandyq taǵy bir sportshy kúmis alǵan edi.