Álem kýbogy: Sporttyq gımnastıkadan qazaqstandyq taǵy bir sportshy kúmis aldy

ASTANA. KAZINFORM - Ázerbaıjan astanasy Baký qalasynda ótip jatqan sporttyq gımnastıkadan álem kýbogynda el quramasy qorjynyna taǵy bir kúmis júlde tústi.

Bul joly Dmıtrıı Patanın ekinshi oryn aldy. Gımnastshy qossyryqtaǵy jarysta tóreshilerdiń sheshimi boıynsha 13,400 upaı jınady. Osylaısha ekinshi orynǵa taban tiredi.

Atalǵan saıysta japondyq Kazýkı Matsýmı (14,200 upaı) chempıon atansa, úzdik úshtikti horvatııalyq Petar Vefıch (13,033 upaı) túıindedi.

Eske salsaq, budan buryn álem kýbogynda qazaqstandyq Mılad Karımı kúmis medal aldy.

Erkin jattyǵý saıysynda ol 14,300 upaı jınady. Bul ekinshi oryn alýǵa múmkindik berdi. 

Saıys barysynda belarýstik Egor Sharamkov (14,600) jeńis tuǵyryna kóterildi. Al úzdik úshtikti ýkraınalyq Nazar Chepýrnyı (13,633) túıindedi.