Álem kýbogy: Nurbek Oralbaı shırek fınalǵa shyqty

ASTANA. KAZINFORM — Astanada ótip jatqan World Boxing aıasyndaǵy álem kýbogynda otandasymyz 1/8 fınalda Nurbek Oralbaı (80 keli) shırek fınalǵa shyqty.

Nurbek Oralbaıdyń alǵashqy qarsylasy, ázerbaıjandyq Mýrad Allahverdıev osal bolǵan joq. Ol 2023 jylǵy Eýropa oıyndarynyń qola medal ıegeri atanǵan edi.

Jekpe-jarys barysynda birinshi raýndtyń qorytyndysy boıynsha Nurbek alǵa shyqty. Ekinshi raýndta da qazaqstandyq boksshynyń basymdyǵy baıqalyp turdy.

Jekpe-jek nátıjesinde Nurbek qarsylasyn 5:0 esebimen tize búktirip, jarysty jalǵastyrýǵa múmkindik aldy.

Nurbek Oralbaı 2024 jylǵy Parıj Olımpıadasynyń kúmis júldegeri boldy. Oǵan qosa 2018 jylǵy jastar arasyndaǵy álem chempıony atansa, 2022 jyly Azııa oıyndarynda qola medal enshilegen.

Aıta ketsek, budan buryn bokstan Álem kýbogynda Mahmud Sabyrhan shırek fınalǵa ótti.

Qazirge deıin áıelderde Anel Sakysh (54 keli) ózbekstandyq Ferýza Kazakovaǵa ese jiberip, jarys jolynan shyǵyp qaldy.

Sondaı-aq endi el quramasynan 19:00–de bastalatyn keshki sessııada Nadejda Rıabets (75 keli), Serik Temirjanov (60 kelii), Aıbek Oralbaı (90 keliden joǵary) sharshy alańǵa shyǵady.
Eske salsaq, 30 maýsymda Vıktorııa Grafeeva (60 keli), Natalıa Bogdanova (70 keli), buryn Nazym Qyzaıbaı (48 keli) qarsylastaryn qapy qaldyrdy.

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.