Álem kýbogy: Nazym Qyzaıbaı ózbek boksshysyn jarystan shyǵardy

ASTANA. KAZINFORM – Nazym Qyzaıbaı bokstan Astanada ótip jatqan álem kýbogynyń jartylaı fınalyna ótti.

48 keli salmaqta synǵa túsken otandasymyz ózbekstandyq Azııa oıyndarynyń chempıony Farzona Fozılovamen jekpe-jek ótkizdi.

Boks federatsııasy málimetinshe, jekpe-jek bastalǵan sátten-aq Nazym qarsylasyn qyspaqqa alyp, únemi shabýyldap otyrdy. Ol óz taktıkalyq jáne tehnıkalyq artyqshylyqtaryn tıimdi paıdalanyp, Fozılovaǵa esh múmkindik bermedi.

Úsh raýnd boıy tolyq basymdyq kórsetken Qyzaıbaı tóreshiler sheshimimen aıqyn jeńiske jetti.

Aıta keteıik, Astanadaǵy jarysta búgin qazaqstandyq 9 boksshy sharshy alańǵa shyǵady.