Álem kýbogy: Nazym Qyzaıbaı fınalǵa joldama aldy

ASTANA. KAZINFORM - Astanada ótip jatqan World Boxing aıasyndaǵy álem kýbogynda búgin, 5 shildede Nazym Qyzaıbaı (48 keli) fınalǵa shyqty.

Shırek fınalda ol japonııalyq Hıkarý Sınoharamen sheberlik baıqasty. Birinshi raýnd Nazymnyń jeńisimen aıaqtaldy. Ekinshi kezeńde de qazaqstandyq boksshynyń basymdyǵy baıqalyp turdy. Sondaı-aq búgin el quramasynan taǵy on eki boksshy jartylaı fınalda baq synaıdy.

Aıta ketsek, qazirge deıin Nurbek Oralbaı (80 keli) eshqandaı jekpe-jeksiz fınalǵa ótti.

Jartylaı fınalǵa Qazaqstan atynan 14 boksshy shyqsa, Úndistan - 10, Brazılııa men Túrkııa - 6, Ózbekstan - 4, Aýstralııa, Ázerbaıjan, Frantsııa, Anglııa, Japonııa, AQSh 3 bylǵary qolǵap sheberine úmit artady. Al Germanııa, Mońǵolııa, Bolgarııa - 2, Fınlıandııa, Taıpeı, Norvegııa, Domınıkan Respýblıkasy, Qyrǵyzstan, Nıgerııa, Fılıppın men Polsha 1 sportshysyn qosyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Álem kýbogy 30 maýsym men 6 shilde aralyǵynda ótedi.