Álem kýbogy: Nadejda Rıabets Panamerıka oıyndarynyń chempıonyn jeńdi

ASTANA. KAZINFORM — Astanada ótip jatqan World Boxing aıasyndaǵy álem kýbogynda qazaqstandyq Nadejda Rıabets (75 keli) jarys jolyn jalǵastyrady.

Qazaqstandyq bylǵary qolǵap sheberi Panamerıka oıyndarynyń chempıony, brazılııalyq Vıvıana Dos Santos Pereıramen jekpe-jek ótkizdi. Qos boksshy buǵan deıin 2021 jyly «Strandja» týrnırinde judyryqtasqan. Nátıjesinde Nadejda ekinshi ret brazııalyq Vıvıana Dos Santos Pereıradan basym tústi.

Brazılııalyq boksshy otandasymyzdyń qarqynyna tótep bere almady. Esep 4:1.
Qazirge deıin áıelderde Anel Sakysh (54 keli) ózbekstandyq Ferýza Kazakovaǵa ese jiberip, jarys jolynan shyǵyp qaldy.

Sondaı-aq endi el quramasynan Serik Temirjanov (60 kelii), Aıbek Oralbaı (90 keliden joǵary) sharshy alańǵa shyǵady.

Eske salsaq, 30 maýsymda Vıktorııa Grafeeva (60 keli), Natalıa Bogdanova (70 keli), buryn Nazym Qyzaıbaı (48 keli), Nurbek Oralbaı (80 keli), Mahmud Sabyrhan (55 keli) qarsylastaryn qapy qaldyrdy.