Álem kýbogy: qazaqstandyq boksshylardyń 16 maýsymdaǵy nátıjesi qandaı

Bul kúni el quramasynan alty boksshy sharshy alańǵa shyqty.

Onyń tórteýi jarysty jalǵastyrýǵa múmkindik alsa, ekeýi qarsylastaryna ese jiberip qoıdy.
65 keli. 1/16 fınal.

Sanatáli Tóltaev - Malık Hasanov (Ázerbaıjan) - 2-raýndta qarsylasynyń jaraqat alýyna baılanysty kelesi kezeńge ótti.

Qos boksshy da alma kezek shabýyldarmen almasyp, shıelenisti jekpe-jek ótkizdi. Biraq 2-raýndta Ázerbaıjan ókili qabaǵynan jaraqat alyp, jeńis Sanatáli Tóltaevqa berildi.

75 keli. 1/8 fınal. V rıngi.

Tımýr Nurseıitov - Tadhg Odonell (Irlandııa) - 3:2

Tımýr Nurseıitov 1/8 fınalda Irlandııa sportshysy Tadhg Odonellmen sheberlik baıqasty. 

Qos boksshy da bir-biriniń shabýylyn kútip, aıqas 3 raýnd boıy ańdysýmen ótti. Nátıjesinde tóreshiler 3:2 esebimen jeńisti otandasymyzǵa berdi.

54 keli. 1/8 fınal. A rıngi.

Nazym Qyzaıbaı - Im E Djı (Ońtústik Koreıa, Parıj Olımpıadasynyń qola júldegeri) - 5:0
3 dúrkin álem chempıony, 54 kelige kóterilgen Nazym Qyzaıbaı 1/8 fınalda osy salmaqtyń basty favorıtteriniń biri, Parıj Olımpıadasynyń qola júldegeri Im E Djımen (Ońtústik Koreıa) jolyqty.

Otandasymyz 3 raýndta da basymdyq tanytyp, 4:1 esebimen basym tústi.

70 keli. 1/8 fınal. 

Laýra Esenkeldi - Ýnıa Martınez Mas (Ispanııa) - 5:0

Qazaqstan chempıony, 70 kelide alǵash ret judyryqtasýǵa sheshim qabyldaǵan Laýra Esengeldi 1/8 fınalda Ýnıa Martınez Maspen (Ispanııa) kezdesip, esh qıyndyqsyz barlyq raýndty óz enshisine jazdy. Esep: 5:0.

55 keli. 1/16 fınal. A rıngi.

Tımýr Qabdeshov - Kelvı Trındad (Brazılııa) - 1:3

Tımýr Qabdeshov 1/16 fınalda Brazılııa boksshysy Kelvı Trındadpen judyryqtasty.
3 raýndqa jalǵasqan básekede tóreshiler 3:1 esebimen Kelvı Trındadty jeńimpaz dep tapty.
90 keli. 1/4 fınal.

Nurbek Oralbaı - Turabek Habıbýllaev (Ózbekstan, Álem chempıony) - 2:3

Qos boksshy da alǵashqy raýndtan aıanyp qalmaı, aýyr soqqylarymen almasyp otyrdy. Nátıjesinde jekpe-jektiń sheshýshi raýndynda Ózbekstan boksshysy dáldik tanytyp, jeńisti óz jaǵyna burdy.