Álem kýbogy: Qazaqstan medaldar kestesinde birinshi oryn aldy

ASTANA. KAZINFORM - Astanada ótken World Boxing aıasyndaǵy álem kýbogynda Qazaqstan quramasy medaldar kestesinde birinshi oryn aldy.

Álem kýbogy 30 maýsym-6 shilde aralyǵynda J. Úshkempirov atyndaǵy Jekpe-jek saraıynda ótti. Onda 30 elden 300-ge jýyq boksshy synǵa tústi. Bedeldi básekede Qazaqstan quramasy 16 salmaqta júlde tuǵyrynan kórindi. Onyń ishinde erler quramasy -5 altyn, 1 kúmis, 2 qola alsa, áıelder quramasy - 3 altyn, 3 kúmis,2 qolaǵa qol jetkizdi.

El quramasynan Sanjar Tashkenbaı (50 keli), Mahmud Sabyrhan (55 keli), Sabyrjan Aqqalyqov (75 keli), Bekzad Nurdáýletov (85 keli), Aıbek Oralbaı (90 keliden joǵary), Nazym Kyzaıbaı (48 keli), Vıktorııa Grafeeva (60 keli) jáne Natalıa Bogdanova (70 keli) chempıon atandy.

Kúmis júldege Nurbek Oralbaı (80 keli), Alýa Balqybekova (51 keli), Nadejda Rıabets (75 keli) jáne Eldana Tálipova (80 keliden joǵary) kúmis alsa, Ertýǵan Zeınýllınov (65 keli), Saǵyndyk Toǵambaı (90 keli), Aıdana Zabynbekova (57 keli) jáne Aıda Ábikeeva (65 keli) úzdik úshtikti túıindedi. 

Jalpy júlde kestesi:

1. Qazaqstan - 8 altyn, 4 kúmis,4 qola
2. Brazılııa - 4-2-1
3. Úndistan -3-5-3
4. Aýstralııa -1-1-1
5. Ózbekstan - 1-0-4
6. Frantsııa - 1-0-3
7. Fınlıandııa - 1-0-0
8. Norvegııa -1-0-0
9. Túrkııa - 0-2-6
10. Japonııa - 0-1-2
11. AQSh - 0-1-2
12. Mońǵolııa - 0-1-1
13. Bolgarııa - 0-1-1
14. Germanııa - 0-1-1
15. Fılıppın - 0-1-0
16. Ázerbaıjan - 0-0-3
17. Anglııa - 0-0-3
18. Nıgerııa - 0-0-1
19. Polsha - 0-0-1
20. Taıpeı - 0-0-1
21. Domınıkan - 0-0-1
22. Qyrǵyzstan - 0-0-1

Endi sheshýshi fınaldyq kezeń 15-22 qarasha kúnderi Úndistanda ótedi.