Álem kýbogy: Qazaqstan boksshylary 15 maýsymda qalaı oıyn kórsetti
ASTANA. KAZINFORM - Qytaıdyń Gýııan qalasynda búgin, 15 maýsymda jalaýyn kótergen bokstan álem kýbogynyń ekinshi kezeńinde sharshy alańǵa shyqqan 5 otandasymyz jeńiske jetti.
60 keli. 1/16 fınal. V rıngi
Serik Temirjanov - Denıs Brıl (Germanııa) - 5:0
2021 jylǵy álem chempıonatynyń kúmis júldegeri Serik Temirjanov álem kýbogynda jınaqy qımyl kórsetti. Jekpe-jek barysynda ol qarsylasyna eshqandaı múmkindik bergen joq. Nátıjesinde ola germanııalyq boksshyny tize búktirdi.
90 keli. 1/8 fınal
Nurbek Oralbaı - Gıchshae Kım (Ońtústik Koreıa) - 2-raýndta tehnıkalyq nokaýtpen jeńdi.
2024 jylǵy Parıj Olımpıadasynyń kúmis júldegeri Nurbek Oralbaı 1/8 fınalda Ońtústik Koreıa ókili Gıchshae Kımmen judyryqtasty. Jekpe-jek barysynda otandasymyz qarsylasyn 3 márte nokdaýnǵa jiberdi. Nátıjesinde tóreshi 2-raýndta aıqasty toqtatty.
80 keliden joǵary. 1/16 fınal
Sabyrjan Aqqalyqov - Hıabao Ýang (Qytaı) - 5:0
Álem chempıonatynyń kúmis júldegeri Sabyrjan Aqqalyqov endi 80 kelige kóterilýge sheshim qabyldady. Otandasymyz 1/16 fınalda jarys qojaıyny Hıabao Ýangtan 5:0 esebimen basym tústi.
90 keliden joǵary. 1/8 fınal. A rıngi
Aıbek Oralbaı - Najaı Raıt (AQSh) - 5:0
Álem chempıony, asa aýyr salmaqtaǵy Aıbek Oralbaı 1/8 fınalda AQSh boksshysy Najaı Raıtpen jolyqty. Qarsylas alǵa umtylyp, belsendi bolýǵa tyrysty. Soǵan qaramastaotandasymyz sheberliginiń arqasynda jeńiske jetti. Esep: 5:0.
80 keliden joǵary. 1/4 fınal. A rıngi
Dına Islambekova - Lıona Darsı (Irlandııa) - 2-raýndta tehnıkalyq nokaýtpen jeńdi.
75 keli. 1/8 fınal
Natalıa Bogdanova - Zıo Bao (Qytaı, bıylǵy Azııa chempıony) - 1:4.
Álem chempıony, 75 kelige kóterilgen Natalıa Bogdanova alǵashqy aınalymda jarys qojaıyny Zıo Baomen (Qytaı) shıelenisti jekpe-jek ótkizip, 1:4 esebimen ese jiberdi.
