Álem kýbogy: Qazaqstan áıelder quramasynan úsh boksshy jarysty jalǵastyrady

ASTANA. KAZINFORM — Astanada ótip jatqan World Boxing aıasyndaǵy álem kýbogynda búgin, 4 shildede áıelder quramasynan úsh boksshy jarysty jalǵastyratyn boldy.

Aldymen el quramasynan Alýa Balqybekova (51 keli) álem kýbogindegi ekinshi jeńisine qol jetkizdi. Bul joly ol japondyq ıÝno Nıshınakamen qolǵap túıistirdi. Jekpe-jek nátıjesi boıynsha 5:0 esebimen Alýa Balqybekova jartylaı fınalǵa joldama aldy.

Aıda Ábikeeva (65 keli) Ońtústik Koreıa boksshysy Sýkıong Kangty jeńip, jartylaı fınalǵa joldama aldy. Otandasymyz jekpe-jek bastala salyp-aq qarsylasyn nokdaýnǵa túsirip úlgerdi.

Sondaı-aq Eldana Tálipova (80 keliden joǵary) zbekstandyq Oltınoı Sotımbaevamen kezdesti.
Qos boksshy buǵan deıin 2024 jyly Azııa chempıonaty men 2025 jyly Álem chempıonatynda jolyqqan edi. Ekeýinde de jerlesimiz basym túsken. Bul joly da sol sáttilik serııasyn jalǵastyryp, qarsylasyn qapy qaldyrdy. Eldana endi fınalda synǵa túsedi.

Endi el quramasynan shırek fınalda Ertýǵan Zeınýllınov (65 keli) frantsııalyq Hıýgo Graýmen, Saǵyndyq Toǵambaı (90 keli) túrkııalyq Emra ıAsarmen sheberlik baıqasady.

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Álem kýbogy 30 maýsym men 6 shilde aralyǵynda ótedi.