Álem kýbogy: Qazaqstan ártistik júzýden eki altyn medal jeńip aldy

ASTANA. KAZINFORM — Kolýmbııanyń Medelın qalasynda ártistik júzýden Álem kýbogynyń kezeńi ótip jatyr, dep habarlaıdy UOK baspasóz qyzmeti.

— Erler arasynda Qazaqstan quramasynyń ókili Edýard Kım iri halyqaralyq týrnırde altyn medal jeńip aldy. Sportshy erkin baǵdarlamada top jaryp, 195.2476 upaı jınady, — delingen habarlamada.

Sondaı-aq áıelder arasyndaǵy erkin baǵdarlamada Qazaqstan quramasy da jeńis tuǵyrynyń eń bıik satysyna kóterildi.

Aıta keteıik, buǵan deıin tehnıkalyq baǵdarlamada qazaqstandyq Vıktor Drýzın úshinshi oryn alǵan edi.

Sonymen qatar qazaqstandyq júzgish Ǵalymjan Balabek Belarýste ótken halyqaralyq týrnırde qola júldeger atandy.