Álem kýbogy: Gúlsaıa Erjan jarysty erte aıaqtady

ASTANA. KAZINFORM – Astanada ótip jatqan World Boxing aıasyndaǵy álem kýbogynda búgin, 2 shildede el quramasynan Gúlsaıa Erjan (80 keli) jarys jolyn aıaqtady. 

Gúlsaıa Erjan álem kýbogyndaǵy birinshi jekpe-jeginde 2 dúrkin Azııa chempıony, úndistandyq Pýja Ranımen kezdesti. Jekpe-jek barysynda qarsylasy basymdyqty tanytty. Al Gúlsaıa jarys jolyn erterek aıaqtady.

Ol Qyzylorda oblysy Qazaly aýdanynda dúnıege kelgen. 2022 jyly qurlyqtyq dodada jeńimpaz atandy. Al Serbııada ótken halyqaralyq týrnırde kúmis medal aldy.

Qazirge deıin el quramasynn búgin, 2 shildede Nazym Qyzaıbaı (48 keli), Alýa Balqybekova (51 keli) jarys jalǵastyrýǵa múmkindik aldy. Sondaı-aq erlerde Sanjar Tashkenbaı (50 keli), Bekzad Nurdáýletov (85 keli) sharshy alańǵa shyǵady.

Al keshki sessııada Vıktorııa Grafeeva (60 keli), Aıda Abıkeeva (65 keli), Ertýǵan Zeınýllınov (65 keli), Saǵyndyk Toǵambaı ( 90 keli) saıysqa túsedi.