Álem kýbogy: Astanadaǵy jarysta búgin qazaqstandyq 9 boksshy sharshy alańǵa shyǵady

ASTANA. KAZINFORM - Astanada ótip jatqan World Boxing aıasyndaǵy álem kýbogynda búgin, 2 shildede el quramasynan 9 boksshy sharshy alańǵa shyǵady.

Kúndizgi sessııa qazaqstandyq ýaqytpen 14:00, keshki sessııa 19:00-de bastalady. Bul jekpe-jekter «Qazsport» telearnasynan tikeleı efırde kórsetiledi.

Qazaqstandyq boksshylardyń jekpe-jegi tómendegishe:

Kúndizgi sessııa

1 jup (V rıngi). Áıelder. 48 keli. Nazym Qyzaıbaı - Farzona Fozılova (Ózbekstan)

5 jup (V rıngi). Áıelder. 51 keli. Alýa Balqybekova - Djennıfer Losano (AQSh)

7 jup (A rıngi). Áıelder. 80 keli. Gúlsaıa Erjan - Pýdja Ranı (Úndistan)

8 jup (V rıngi). Erler. 50 keli. Sanjar Tashkenbaı - Sodaı Koto (Japonııa)

10 jup (V rıngi). Erler. 85 keli. Bekzad Nurdáýletov - Laklan Loýson (Aýstralııa).

Keshki sessııa

2 jup (A rıngi). Áıelder. 60 keli. Vıktorııa Grafeeva - Gızem Ozer (Túrkııa)

6 jup (A rıngi). Áıelder. 65 keli. Aıda Abıkeeva - Dıon Berman (Anglııa)

8 jup (A rıngi). Erler. 65 keli. Ertýǵan Zeınýllınov - Ahmet Pekel (Túrkııa)

11 jup (A rıngi). Erler. 90 keli. Saǵyndyk Toǵambaı - Malachı Djordjes (AQSh).

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.