Álem kýbogy: Arına Malınovskaıa nysana kózdeýden úzdik ondyqqa endi
ASTANA. KAZINFORM — Qazir Mıýnhende (Germanııa) nysana kózdeýden Álem kýbogynyń kezekti kezeńi ótip jatyr, dep habarlaıdy UOK baspasóz qyzmeti.
Qazaqstan quramasynyń ókili Arına Malınovskaıa 50 metr qashyqtyqtan úsh qalypta pnevmatıkalyq vıntovkadan oq atý saıysynda fınalǵa deıin jetti.
Sheshýshi synda qazaqstandyq sportshy segizinshi oryn aldy.
Atalǵan baǵdarlamada Janett Hegg Dýestad (Norvegııa) jeńiske jetti. Ekinshi oryndy Shoneıd Makıntosh (Ulybrıtanııa) ıelendi. Al qola medaldi Anna ıAnssen (Germanııa) jeńip aldy.
Osydan buryn habarlanǵandaı, Halyqaralyq sporttyq atý federatsııasy (ISSF) nysana kózdeýden Germanııanyń Mıýnhen qalasynda ótetin álem kýbogy kezeńine qatysatyn sportshylardyń tizimin jarııalady.
