Álem kýbogy: Abylaıhan Júsipov brazılııalyq boksshyny jeńdi
ASTANA. KAZINFORM — Abylaıhan Júsipov Álem kýbogynda birinshi jeńisin tirkedi, dep habarlaıdy Sportty damytý dırektsııasynyń baspasóz qyzmeti.
Álem chempıony, 70 kelidegi tájirıbeli boksshylardyń biri sanalatyn Abylaıhan Júsipov 1/8 fınalda ótken Álem kýbogynyń fınalısi Kaıan Reıespen (Brazılııa) judyryqtasty.
Otandasymyz alǵashqy raýndtan jekpe-jekti tolyqtaı óz baqylaýynda ustap, 4:1 esebimen basym tústi.
Sonymen qatar, Álem chempıonatynyń kúmis júldegeri, 60 kelide el chempıony sanalatyn Serik Temirjanov 1/8 fınalda AQSh-tyń jas boksshysy Salım Ellıs Beımen joly túıisti. Otandasymyzdyń bul jekpe-jeginde tóreshiler jeńisti biraýyzdan qarsylasqa berdi.
Buǵan deıin Bokstan Álem chempıony atanǵan Abylaıhan Júsipov endigi josparyn aıtty.
