Álem qorǵanys salasyna orasan zor qarjy jumsap jatyr
ASTANA. KAZINFORM - 2025 jyly jahandyq áskerı shyǵyndar 2,9 paıyzǵa ósti. Endi jer sharyndaǵy árbir turǵynǵa shaqqanda orta eseppen 350 dollardan «qorǵanys» shyǵyny tıesili. Bul baǵytta AQSh kósh bastap tur — olardyń áskerı bıýdjeti kelesi alty eldiń jıyntyq shyǵynynan da asyp túsedi, dep habarlaıdy Aljazeera.
Áskerı shyǵyndar boıynsha alǵashqy bestik:
• AQSh — 954 mlrd dollar
• Qytaı — 336 mlrd dollar
• Reseı — 190 mlrd dollar
• Germanııa — 114 mlrd dollar
• Úndistan — 92 mlrd dollar
Sońǵy jyldary Eýropada qorǵanys shyǵyndary kúrt artqan. 2016 jyldan beri bul kórsetkish eki esege kóbeıse, Shyǵys Eýropada 173 paıyzǵa deıin ósken.
Jan basyna shaqqandaǵy áskerı shyǵyn ósimi boıynsha Qatar, Izraıl, Norvegııa jáne Ýkraına aldyńǵy qatarǵa shyqty.
Osyǵan deıin Túrkııanyń qorǵanys kórmesinen túsken tabysty dron ortalyqtaryn damytýǵa jumsaıtyny týraly jadyq.
