Álem kómirqyshqyl gazy qaldyǵynyń kólemi boıynsha rekordty jańartty
ASTANA. QazAqparat – Álemde energııa óndirý esebinen kómirqyshqal gazy qaldyqtarynyń kólemi 0,9%-ǵa ósip, 36.5 gıgatonnadan asty. Bul – rekordtyq kórsetkish, dep habarlaıdy QazAqparat Euronews-ke silteme jasap.
Bul týraly Halyqaralyq energetıka agenttigi jarııalaǵan esepte aıtylǵan.
Sarapshylar oǵan negizinen tabıǵat jaǵdaılary, onyń ishinde álemniń keı óńirlerindegi qurǵaqshylyq pen aptap ystyq, sondaı-aq atom elektrstantsııalaryn óshirý sebep bolǵanyn aıtady.
Qaldyqtardyń ósýin pandemııadan keıin qalpyna keltirilgen belsendi áýe tasymalymen de baılanystyrady. Oǵan qosa, kóptegen qalalar arzan energııa kózi retinde kómirdi paıdalanýǵa kóshti.
Jańa rekordqa qaramastan, ósim boljanǵannan az bolyp shyqty. Sarapshylar muny jańartylatyn energııa kózderine jáne elektrlik tartý kúshi bar kólikterge jappaı kóshýmen baılanystyryp otyr.
