Álem kartasynda Ońtústik Sýdan atty jańa memleket paıda boldy
ASTANA. 9 shilde. QazAqparat - Senbi, 9 shilde kúni Ońtústik Sýdan resmı túrde óz egemendigin jarııa etti. Jańa memlekettiń astanasy Djýba qalasynda táýelsizdiktiń jarııalanýyna oraı mereke bastaldy,
dep habarlaıdy Bı-Bı-Sı.
Myńdaǵan adam memlekettik týlaryn qoldaryna alyp, kóshege shyqty. Oqıǵa kýágerleriniń aıtýynsha, barlyq jerde aspanǵa oq atylyp, án shyrqalýda.
El halqy «Ońtústik Sýdan jasasyn!» dep urandatýda. «Men ómir boıy qan tógistiń aıaqtalatynyna sengenmin», -deıdi olardyń biri.
Qańtar aıynda ótken referendýmda jańa el turǵyndarynyń kópshiligi Ońtústik Sýdannyń táýelsizdigi úshin daýys bergen.
