Álem Holokost qurbandaryn eske alady
ASTANA. Qańtardyń 27-si. QazAqparat - Búgin - Holokost qurbandaryn eske alýdyń halyqaralyq kúni. Ekinshi dúnıejúzilik soǵys jyldary evreılerdiń kózin jappaı joımaq bolǵan natsısterdiń qylmystaryn áshkereleý kúni.
Osydan 65 jyl buryn Qyzyl armııa áskerleri natsısterdiń mıllıondaǵan adamdy óltirgen jáne azaptaǵan Osventsım ajal lagerin azat etken bolatyn.
Polsha aýmaǵynda ornalasqan Osventsımde búgin ótetin eske alý sharasyna Izraıl premeri Bınıamın Netanıahý qatysady. Álemniń túkpir-túkpirindegi evreı obşınalarynda Holokost qurbandaryn eske alý rásimi ótip, balaýyz shamdar jaǵylady.
