Álem halyqtarynyń ortasha boıy qandaı?
ASTANA. QazAqparat - Ǵalymdardyń aıtýy boıynsha, sońǵy 100 jylda Jer sharyn meken etetin barlyq halyqtardyń boıy birneshe santımetrge ósken.
Bul úrdisti olar densaýlyq saqtaý salasynyń damýymen, durys tamaqtanýmen jáne gıgıenanyń jaqsarýymen baılanystyrady. Sonyń ishinde, Qazaqstan halqy da boıyna birshama santımetr qosqan eken.
Orta eseppen alǵanda 1914 jyldan beri bizdiń eldiń erkekteri 9,9 santımetrge, áıelderi 8,5 santımetrge ósken kórinedi. Nazarlaryńyzǵa álem elderinde erkekter men áıelderdiń boıy qandaı ekenin kórsetetin sýretter toptamasyn usynamyz. Bul toptamaǵa sizderge qyzyq bolar degen 10 eldi engizdik, dep jazady massaget.kz.
