Álem halyqtaryn onkologııalyq aýrýlardyń jańa tolqyny basqaly otyr
ASTANA. QazAqparat - Ǵalamshar halqyn onkologııalyq aýrýlardyń jańa tolqyny basqaly jatyr. Bundaı eskertýdi Dúnıejúzilik densaýlyq saqtaý uıymy jasady.
DDSU málimdemesine qaraǵanda, semizdik, alkogol jáne temeki máseleleri sheshilse, qaterli isik aýrýlaryna shaldyǵýshylar da eki esege azaıatyn edi. Álemde jylyna 14 mıllıon adam qaterli isik indetine shaldyǵady. Mamandardyń paıymynsha, aldaǵy jıyrma jylda bul kórsetkish 24 mıllıonǵa deıin jetedi. DDSU-nyń onkologııalyq aýrýlardy zertteý boıynsha halyqaralyq agenttiginiń eskertýine qaraǵanda, qaterli isik dertterin emdeýdiń quny da artady. Uıym óz málimdemesinde barlyq elderdiń úkimetterine alkogol men qantty paıdalanýdy azaıtý turǵysynda qatań ádister arqyly kúresý kerektigin alǵa tartýda. Olardyń paıymynsha, atalǵan ónimderdiń baǵasyn kóterip, jarnamaǵa shekteý engizý qajet.
