Álem halqynyń jartysynan astamy telefonǵa telmirip, jelige baılanǵan - Darhan Qydyráli
Áýeli mınıstr sharaǵa Meta, TikTok kopanııalarynyń Qazaqstandaǵy ókilderi shaqyrylǵanyn atap ótti.
«Búgingi medıa alań jalpy dástúrli jáne jańa medıa salasyndaǵy basty máselelerdi, kommýnıkatsııa baǵytyndaǵy ótkir jaılardy talqylaıtyn paıdaly pikir almasý bolady dep senemin.
Ózderińizge belgili, qazirgi zaman – aqparat kezeńi. Internet keńistigi jáne jańa tehnologııanyń damýy aqparat alý men taratýdy óte jyldamdatty. Saıası qatynastar ǵylymynyń tanymal ókili, professsor Manýal Fosters ınternet pen áleýmettik jeli burynǵy vertıkaldy bıliktiń ornyna jańa kúsh – gorızantaldy bıliktiń ómirge kelgenin jazady. ıAǵnı, azamattyq jýrnalıstıka, smartfon-jýrnalıstıkasy uǵymdary paıda boldy», - dedi vedomstvo basshysy.
Sondaı-aq, ol ınternet qoldanýshylardyń sany kún sanap mıllıondap ósip jatqany týraly statıstıkalyq málimetterdi keltirdi.
«We Are Social» kompanııasy qańtar aıynda keltirgen derekterge súıensek, álemde 5,5 mlrd adam uıaly telefon qoldanady eken. Al ınternet qoldanýshylardyń sany 5 mılııardqa jýyqtaǵan. Sońǵy bir jylda ınternet paıdalanýshylar sany shamamen 200 mıllıonǵa ósken.
Osy statıstıkaǵa júginsek, álem halqynyń jartysynan astamy telefonǵa telmirip, jelige baılanǵan bolyp shyǵady. Máselen 2021 jyly 124 mln adam jańa akkaýnt ashyp, tirkelgen. Bul kúnine orta eseppen 1 mıllıonnan astam jańa paıdalanýshyǵa teń degen sóz. Árıne, zertteý qorytyndysynyń qańtar aıynda jarııalanǵanyn eskersek, odan beri bul kórsetkishtiń eselep artqany anyq»,- dedi Darhan Qydyráli.
