Álem halqynyń jalpy baılyǵy rekordtyq - 280 trln dollarǵa jetti
ASTANA. QazAqparat - Ótken 12 aıda álem halqynyń jalpy jıyntyq baılyǵy 6,4%-ke ósip, 2012 jyldan bergi eń joǵarǵy kórsetkishke jetti.
Global Wealth Report 2017 portaly 14 qarashada ǵalamshar halqynyń jalpy baılyǵy 280 trıllıon dollardy quraıtynyn habarlady.
Esepti ázirlegenderdiń aıtýynsha, Jer halqynyń baılyǵy, onyń halyq sanyna qaraǵanda aıtarlyqtaı qarqynmen ósken. Sondyqtan da Jerdiń kámeletke tolǵan turǵyndarynyń jan basyna shaqqandaǵy materıaldyq ál-aýqattylyq kórsetkishi 56,5 myń dollardy qurap otyr. Bul - rekordtyq nátıje.
Sonymen qatar sońǵy jyldary ǵalamshardaǵy baılyq bólinisi arasyndaǵy aıyrmashylyq ta artyp keledi.
Sarapshylardyń esep-qısabyna qaraǵanda, Jerdegi eń baı adamdardyń 1%-i - ǵalamshardaǵy baılyqtyń 50,1%-iniń ıesi. 2000 jyldardyń basynda bul kórsetkish 45,5%-ti quraǵan bolsa, 2006-2008 jyldary 42,5%-ke tómendegen edi.
Credit Suisse sarapshylary aldaǵy bes jylda álem halqynyń baılyǵy taǵy da artyp, 2022 jylǵa qaraı 341 trln dollarǵa jetetindigin boljap otyr.
