Álem halqynyń tórtten birinde sý tapshylyǵy órship tur - zertteý
NUR-SULTAN. QazAqparat - Sońǵy on jylda álem boıynsha aýyz sýǵa tapshylyǵynyń kórsetkishi ósti. Sýdyń jetispeýshiligi men ekstremaldy aýa raıy Taıaý Shyǵys pen Úndistanda osy máselege qatysty shıelenisti kúsheıtti, dep habarlaıdy QazAqparat The Guardian basylymyna silteme jasap.
Avtordyń aıtýynsha, sońǵy on jylda sýǵa qatysty zorlyq-zombylyq oqıǵalary aldyńǵy onjyldyqqa qaraǵanda eki ese artqan. Bul týraly Kalıfornııa ǵalymdary zertteý júrgizdi.
«Bul tendentsııa halyq sanynyń artýy, ekstremaldy aýa raıy, klımattyq daǵdarys nátıjesinde paıda bolǵan alańdaýshylyqty sýretteıdi», dep jazady basylym.
Avtordyń aıtýynsha, 1980 jyly qurylǵan baza sýdyń qarý nemese shıelenis quraly, tipti áskerı trıggerge aınalǵan kezderi bolǵanyn baıqaýǵa bolady.
«Mysaly, byltyr maýsym aıynda Ýkraınada Gorlovaka sý qubyryna shabýyl jasalyp, 3 mln adamnyń sýǵa qoljetimdiligi kemidi, 2017 jyly Úndistanda sýǵa qatysty narazylyqta bes fermer atyldy, 2012 jyly Batys Papýada sý tsısternalary atqylandy. Ótken onjyldyqta sýǵa qatysty qastandyq oqıǵalary Irak, Iemen, Afrıkadaǵy Sahelıa aýdanynda da boldy», dep jazady basylym.
Avtordyń aıtýynsha, Álemdik resýrstar ınstıtýtynyń ǵalymdary álem halqynyń tórtten biri turatyn 17 memlekette sý tapshylyǵy órship turǵanyn aıtqan.
