Álem halqynyń 25 paıyzy kedeılikke tap bolýy múmkin– halyqaralyq uıym

NUR-SULTAN. QazAqparat – 2022 jyly álemdegi 263 mln adam kedeılikke tap bolýy múmkin. Bul týraly Oxfam halyqaralyq birlestiginiń baıandamasynda aıtylǵan, dep habarlaıdy QazAqparat tilshisi uıymǵa silteme jasap.

Oxfam-nyń «Birinshi daǵdarys, sodan keıin apat» baıandamasynda Ýkraınadaǵy jaǵdaı men COVID-19 koronavırýs pandemııasynan bolǵan teńsizdik, azyq-túlik pen energııa baǵasynyń buryn-sońdy bolmaǵan ınflıatsııasy álemdegi eń kedeı adamdar úshin «apat» ákeletini aıtylǵan.

Sonymen, Dúnıejúzilik banktiń boljamdary men Jahandyq damý ortalyǵynyń zertteýlerine negizdelgen jańa baǵalaýlar 2022 jyly tórtten bir mıllıardtan astam adam kedeılikke ushyraýy múmkin jáne kúnine 1,90 dollardan az kirisi bar 860 mıllıon adam bar. Sonymen qatar, pessımıstik boljamdar boıynsha, bıyl kúnine 5,50 dollar tabysy bar 3,3 mlrd adam kedeılik sheginen tómen ómir súrýi múmkin, bul álem halqynyń jartysyn quraıdy.

Baıandamada «Úlken jıyrmalyq», HVQ kóshbasshylary jáne Dúnıejúzilik bank shuǵyl shara qoldanbasa, azyq-túlik pen energııa baǵasynyń sharyqtaýy, Ýkraınadaǵy jaǵdaıǵa baılanysty ınflıatsııa, sondaı-aq teńsizdik pen koronavırýs pandemııasy sııaqty daǵdarys qubylystary osy jyly álem halqynyń tórtten birin kedeılikke ákelýi múmkin ekeni atap ótilgen.

Avtor: Serikbol Qoshmaǵanbetov