Álem fýtbolynyń juldyzdary Ebola indetimen kúreske tústi
ASTANA. QazAqparat - Álem fýtbolynyń Krıshtıaný Ronaldý, Dıde Drogba, Fılıpp Lam jáne Neımar sııaqty juldyzdary batys Afrıkadaǵy Ebola indetimen kúresetin kampanııaǵa qosyldy, dep habarlaıdy Bı-bı-sı.
«Ebolaǵa qarsy on bir» ataýyn alǵan naýqan aıasynda batys Afrıkada taratylatyn fılm túsirilip, radıobaǵdarlamalar jazylady, sondaı-aq posterler basylyp shyǵarylady.
Uıymdastyrýshylardyń oıynsha, zamannyń úzdik fýtbolshylary ólimge ákelip soqtyra alatyn aýrýdyń aldyn alýǵa qoldaný kerek sharalar týraly aıtyp, kórsetetin bolady.
Dúnıejúzilik densaýlyq saqtaý uıymy ázirshe Ebola indetin ýaqytsha aýyzdyqtaý múmkin bolyp otyrǵanyn aıtady, alaıda bul aýrý áli de búkil álemge qaýip tóndirýde.
