ALEM FEST 2025: Astanada ótetin is-shara kezinde qaıda kóligińizdi qoıýǵa bolady

Elordada 13 shilde kúni aýqymdy mýzykalyq festıval – ALEM FEST 2025 ótedi. Astana qalasynyń turǵyndary men qonaqtary óz avtokólikterin is-shara ótetin orynǵa jaqyn mańdaǵy turaq alańdaryna qoıa alady. 

Kólikti kelesi oryndarda qoıýǵa bolady:

«Astana Arena» stadıony aýmaǵynda, «Alaý» muz saraıynyń mańynda, «Barys Arena» muz aıdyny saraıynda, «Saryarqa» velotreginde, Botanıkalyq baq janynda — Buqar jyraý jáne Orynbor kósheleri jaqtan, Kereı-Jánibek handar kóshesiniń boıynda jáne basqa da ruqsat etilgen turaq oryndarynda.

Festıval qonaqtary úshin álemdik jáne qazaqstandyq juldyzdardyń óner kórsetedi. Shaqyrylǵan ártister qatarynda Craig David, Sadraddin, Elka, Alem, IOWA, Band’Eros, Domınık Djoker, DJ Groove bar.

ALEM FEST – Qazaqstandaǵy oqıǵaly týrızmdi damytýǵa úles qosatyn iri mádenı joba.

Festıval kórermenderi jeke avtokóliktiń ornyna qoǵamdyq kólikpen kelgeni jón.

Aıta ketelik ASTANA TRIATHLON half týrnırine baılanysty birqatar kóshede kólik qozǵalysy shekteletini týraly jazǵan edik.