Álem epıdemıologtary koronavırýsty toqtatýdyń jolyn aıtty
NUR-SULTAN. QazAqparat – «Koronaıvrýs juqtyrǵan ár adam ortasha eseppen kem degende bir adamǵa vırýs juqtyratyn bolsa, indettiń taralýy azaıatyn bolady», dep jazady Le Figaro.
«Frantsııada koronavırýs 2500 adamnan anyqtaldy. 48 adam qaza tapty. Qazirgi jyldamdyq saqtalatyn bolsa, Frantsııada jalpy 10 mln adam vırýs juqtyrýy múmkin. Al bul jaǵdaıda qaza tabatyndardyń sany kem degende elý myńǵa jetedi», - dep jazady avtor.
Epıdemıologtar bul stsenarııdi boldyrmaýdyń joly bar ekenin aıtty.
«Vırýstyń taralýyn shekteý úshin tıimdi sharalar qabyldaý qajeti. Al epıdemıologııalyq turǵyda vırýstyń taralý kórsetkishin azaıtý mańyzdy. Sarapshylardyń aıtýynsha, Frantsııada koronavırýs juqtyrǵan bir adam ortasha eseppen ony 3 adamǵa taratady. Al epıdemııany toqtatý úshin bul kórsetkish 1-ge teń bolýy tıis. ıAǵnı, adam áleýmettik baılanysyn 4 ese azaıtýy tıis. Sol kezde ǵana bul sharalar tıimdi bolady», - dep jazady avtor.
Onyń aıtýynsha, Qytaı osylaısha mıllıondaǵan adamdy kúshtep karantınge jatqyzyp, jaqsy nátıjege qol jetkizgen.
«Ár adam barynsha qoǵamnan oqshaýlanǵany jón. Dostarmen, otbasymen jınalý, qydyrýdy azaıtý, kezdesýlerden bas tarta turý epıdemııany boldyrmaýǵa áser etedi. Bul barlyǵyna qatysty», - dep jazady avtor. Onyń aıtýynsha, vırýstyń kóbeıý jyldamdyǵyn báseńdetý úshin Qytaıǵa eki apta qajet bolǵan.
