Álem elderiniń shahmatshylary Pavlodardaǵy týrnırge jınaldy
Pavlodarda «Pavlodar Open» halyqaralyq shahmat týrnıri ótip jatyr, dep habarlaıdy Kazinform.
Oblys ákimdiginiń baspasóz qyzmetinen málim etkendeı, «Pavlodar Open» - 2023» Qazaqstan, Reseı, Belarýs, Ýkraına, Nıderland, Avstralııa, Úndistan, Izraıl, Ázerbaıjan, Tájikstan jáne Bangladeshten kelgen 230 qatysýshynyń basyn qosty. Onyń ishinde halyqaralyq deńgeıdegi 64 sportshy men grossmeıster bar.
Óńir basshysy Asaıyn Baıhanov «Qatar Masters Open» halyqaralyq týrnırinde sensatsııalyq jeńiske jetken pavlodarlyq Álisher Súleımenov, Olımpıadanyń eki dúrkin chempıony jáne Eýropa chempıony Aleksandr Moıseenko, Nıderland pen Eýropanyń úsh dúrkin chempıony Sergeı Tıvıakov jáne Úndistannyń qola júldegeri Setýraman syndy shahmatshylardyń atalmysh týrnırge qatysýy úlken mártebe ekenin atap ótti.
Halyqaralyq doda 21 – 31 qazan aralyǵynda ótedi. Jalpy júlde qory – 23 mln teńge. Uıymdastyrýshylar qatysýshylarǵa jasy jáne jynysy boıynsha shekteý qoıǵan joq. Sondyqtan ústel basynda eresekter men balalar kezdesýi múmkin. Degenmen, oıynshylardyń deńgeıine qaraı týrnır eki sektsııaǵa bólingen.
