Álem elderinde sıyr etiniń baǵasy qansha: Qazaqstanda qymbat pa
ASTANA. KAZINFORM – Numbeo halyqaralyq platformasy jahannyń ár túkpirinde sıyr etiniń kelisi qansha turatynyn anyqtap, statıstıka qurastyrǵan. 101 memlekettiń arasynda Qazaqstan da bar.
Sıyr eti eń qymbat alǵashqy ondyqta Eýropa men Azııanyń ártúrli eli tirkelgen.
1. Shveıtsarııa – $45.58 (≈ 21 173 teńge);
2. Norvegııa – $32.89 (≈ 15 278 teńge);
3. Lıýksembýrg – $27.65 (≈ 12 844 teńge);
4. Ońtústik Koreıa – $25.28 (≈ 11 743 teńge);
5. Sıngapýr – $24.80 (≈ 11 520 teńge);
6. Izraıl – $24.71 (≈ 11 478 teńge);
7. Aýstrııa – $23.50 (≈ 10 916 teńge);
8. Fınlıandııa – $22.59 (≈ 10 493 teńge);
9. Frantsııa – $22.19 (≈ 10 307 teńge);
10. Germanııa – $21.71 (≈ 10 084 teńge).
Sondaı-aq, 17-oryndaǵy Túrkııada bul kórsetkish $19.98 (≈ 9 281 teńge), 22-oryndaǵy AQSh-ta $16.92 (≈ 7 859 teńge), al 31-oryndaǵy Ulybrıtanııada $14.74 (≈ 6 847 teńge) bolyp shyqty.
Elimizge jaqyn shetelderdiń arasynda sıyr etiniń kelisi eń qymbat memleket Armenııa eken. 52-satydaǵy bul respýblıkada ol $12.26-ǵa baǵalanǵan, ıaǵnı 5 695 teńge.
Aınalamyzdaǵy ózge de memleketterdegi sıyr etiniń baǵasyna toqtalsaq:
• Qytaı – 59-orynda, $11.13 (≈ 5 170 teńge);
• Reseı – 64-orynda, $10.93 (≈ 5 077 teńge);
• Ózbekstan – 66-orynda, $10.86 (≈ 5 044 teńge);
• Ázerbaıjan – 70-orynda, $10.53 (≈ 4 891 teńge);
• Grýzııa – 73-orynda, $9.96 (≈ 4 626 teńge);
• Belarýs 77-orynda, $9.25 (≈ 4 296 teńge).
Al Qazaqstan bul tizimde 82-orynda. Elimizde bir keli sıyr etiniń baǵasy $8.72 (≈ 4 050 teńge) dep kórsetilgen.
Sonymen birge, Qazaqstannan keıin tizimde 88-oryndaǵy Ýkraına $7.33 (≈ 3 405 teńge), 98-oryndaǵy Úndistan $5.23 (≈ 2 429 teńge) jáne t.b. elder tur.
Aıta keteıik, buǵan deıin Qazaqstanda sıyr etine ımporttyq kvota bólinetinin jazǵanbyz.
