Álem elderinde QQS mólsheri qandaı

ASTANA. KAZINFORM — Qosylǵan qun salyǵy (QQS) mólsherlemesi álem elderinde aıtarlyqtaı ózgeredi, dep habarlaıdy Kazinform tilshisi.

Álemniń 170-ten astam eli taýarlar men qyzmetterge QQS alady. Olardyń keıbiri tómendetilgen mólsherleme qoldanady jáne keıbir taýarlar men qyzmetterdi salyqtan bosatady.

Máselen Qurama Shtattarda QQS joq, biraq satýdan alynatyn salyq bar.

Salyq qorynyń málimeti boıynsha 2024 jyldyń qańtaryndaǵy jaǵdaıǵa sáıkes Eýropalyq Odaqtaǵy QQS-tyń ortasha standartty mólsherlemesi 21,6% qurady. EO-ǵa múshe elderde QQS mólsherlemesi 15%-dan tómen bolmaýy kerek degen ereje bar.

EO-da QQS eń joǵary mólsherlemeleri Majarstanda (27%), sondaı-aq Horvatııada, Danııada jáne Shvetsııada (árqaısysynda 25%) belgilengen.

Germanııada QQS mólsherlemesi 19%, Ispanııada 21%, Italııada 22% quraıdy.

PricewaterhouseCoopers málimetinshe, Armenııa, Bolgarııa, Túrkııa jáne Ulybrıtanııa sııaqty elderde QQS 20% mólsherlemesi áreket etedi. Reseıde QQS standartty mólsherlemesi de 20% quraıdy.

Ózbekstan, Qazaqstan jáne Fılıppın elderinde qosylǵan qun salyǵy 12 paıyzdy quraıdy.

10% QQS Mońǵolııa men Vetnamda qoldanylady, al Taılandta bul mólsherleme nebári 7% eken.

Buǵan deıin Ulttyq ekonomıka mınıstri Serik Jumanǵarın qosymsha qun salyǵy shegin nelikten kóterý qajet ekenin túsindirdi.