Álem elderinde blogerler qandaı salyq tóleıdi
ASTANA. KAZINFORM – Qyzyqty kontent jasap, ataǵyńdy shyǵaryp, sol arqyly tabys tabý - búginde talaıdyń arman-maqsatyna aınalǵany ótirik emes. Biraq sol blogerler álem elderinde salyq tóleýge mindetti ekenin kóbi bile bermeıdi. Salyqtan jaltarǵan jeli belsendilerin zań boıynsha jaza da kútip tur.
AQSh
AQSh-ta kontent jasaýshylar tapqan ár tabysyna salyq tóleýi tıis. Meıli ol hobbıi nemese qosymsha jumysy bolsyn. Bul AQSh Salyq basqarmasynyń (IRS) talaby.
Ózin-ózi jumyspen qamtyǵan adamdar sııaqty, blogerler de blog júrgizýden tapqan aqshasynan salyq tóleýi kerek. Demek, seriktesterden, jarnamalyq kirister men demeýshilerden túsken kez kelgen qarajatqa salyq salynady.
AQSh-taǵy federaldy salyq mólsherlemesi progressıvti, ıaǵnı sizdiń tabysyńyz neǵurlym joǵary bolsa, salyq mólsherlemesi soǵurlym ósedi. Salyq basqarmasynyń (IRS) málimetine súıensek, tabys salyǵynyń mólsherlemesi 10%-dan 37%-ǵa deıingi aralyqta.
Ózin-ózi jumyspen qamtyǵandar úshin salyq stavkasy 15,3% quraıdy. Tarıf eki bólikten turady: Áleýmettik qamsyzdandyrý úshin (qarttyq, múgedektik jáne asyraýshysynan aıyrylý boıynsha saqtandyrý) 12,4% jáne Medicare (aýrýhanadaǵy shyǵyndar boıynsha saqtandyrý) úshin 2,9%.
Blogerler óz tabys somasynan bıznesti júrgizý úshin qajet dep sanaǵan ártúrli shyǵyndardy shegerip tastaı alady. Máselen, frılanserler qyzmeti (grafıkalyq dızaın jasaý, saıt ázirleý nemese mátin jazyp berý), marketıng, jarnama berý jáne keńselik kerek-jaraqtar alý.
Salyqtardy esepteý kezinde blogerge túsken jarnama men tsıfrlyq ónimderdi satý sııaqty kiris kózderi eskeriledi. Sondaı-aq blogerdiń qandaı da bir taýarǵa sholý jasaýdan tapqan aqshasy da tabys bolyp esepteledi.
Eger bloger aqshanyń ornyna bir syılyq alsa (tegin taýar, saparǵa shyǵý) onda ol tabys bolyp esepteledi. Oǵan da salyq tóleýi qajet. Tek taýarǵa sholý jasaǵanda aqshanyń ornyna sol taýardy syılyqqa bergen jaǵdaıda taýardyń baǵasy $100 aspaıtyn bolsa ǵana oǵan salyq salynbaıdy.
Aıta keteıik, bul elde jeke kásipkerlik, seriktestik (sole proprietorship) jáne jaýapkershiligi shekteýli seriktestik (LLC) syndy bıznes júrgizý túrleri tanymal.
Ulybrıtanııa
Ulybrıtanııada jeli belsendileri tabys salyǵyn jáne Ulttyq saqtandyrý qoryna jarna tóleýi kerek. £12 570-ten (salyq salynbaıtyn shek) kóp paıda kóretin kez kelgen adam osy shekten joǵary soma boıynsha tabys salyǵyn tóleýge mindetti. Bul mınımým saýda shegerimi arqyly ulǵaıtylýy múmkin.
Tabysqa kelesideı stavkalar boıynsha salyq salynady:
20% - £12 571-den £50 270 aralyǵynda tabys tapqandarǵa
40% - £50 271-den £125 140 aralyǵynda tabys tapqandarǵa
45% - £125 141-den kóp tabys tapqandarǵa.
Salyq stavkalary barlyq kiriske emes, tek birneshe sanatqa jatatyn tabysqa ǵana qoldanylady. Mysaly, eger siz bir jylda £80 000 tapsańyz, onda kelesideı esepteledi: £37 700 (£50 270 - £12 570). ıAǵnı, 40% salyq salynady. Sonda bir jyldaǵy salyqtyń kólemi - £19 292.
Ulttyq saqtandyrý jarnalary (National Insurance) - bul memlekettik tólemaqyǵa baǵyttalǵan salyq. Eger blogerdiń jyldyq tabysy £90 000 nemese odan da kóp bolsa, olar salyq tóleýshi retinde tirkelýi tıis (tabysy bul shekten az bolǵandar óz erkimen tirkele alady). Tirkelgennen keıin qyzmetteriniń qunyna qosylǵan qun salyǵyn (QQS) qosyp otyrady. Mysaly, eger jeli belsendisi jarnamalyq post úshin £200 alsa, onda qyzmet qunyn £240 dep kórsetip, sonyń £40-yn Ulybrıtanııanyń Salyq jáne keden basqarmasyna (HMRC) aýdarady.
Sondaı-aq blogerler kiristerinen bıznes shyǵyndaryn esepke alý jáne shegerý arqyly salyq júktemesin azaıta alady. Dese de HMRC talaptary qatal - shyǵyndar bıznesti júrgizý maqsatynda ǵana jumsalýy tıis. Onyń ishine vıdeo túsirýge kerekti jabdyqtar jáne basqa da tehnıkalar, issaparlar, zańgerlik jáne býhgalterlik qyzmetter kiredi.
Qytaı
Hanchjoýdaǵy qytaılyq bloger Pan ıÝrýn shamamen 100 mln ıýan (13 mln dollar) salyq tóledi, dep habarlaıdy South China Morning Post.
2024 jyldyń 14 naýryzynda Pan tólegen salyq somasyn óz vıdeosynda ashyq kórsetti. 95 mln ıýan tólegenine skrınshot dálel boldy.
- Salyq tóleý árkimniń mindeti. Men árdaıym salyqty tolyqtaı tóleımin jáne salyqtan jaltaratyn áreketterge barmaımyn, - dedi ol.
Pan ıÝrýn Douyin jelisinde jeke paraqshasyn júrgizedi. Sol arqyly qyzdar qaýymyna teri kútimi jáne makııaj boıynsha keńesterimen bólisedi.
- Eger onyń tabysyna eń joǵary stavka - 45% mólsherinde tabys salyǵy salynǵan dep eseptesek, onyń 2023 jyly jyldyq tabysy 200 mln ıýannan (28 mln dollar) asýy múmkin, - dep jazady SCMP.
Qytaıdaǵy tabys salyǵy tabys mólsherine baılanysty esepteledi: 3%-dan 45% aralyǵynda.
2021 jyldyń jeltoqsanynda Qytaıdaǵy eń iri strımerlerdiń biri Hýan Veıge (Viya degen atpen tanymal) salyq tóleýden jaltarǵany úshin 1,34 mlrd ıýan (210 mln dollar) kóleminde aıyppul salyndy. Sondaı-aq jeli juldyzynyń barlyq akkaýnttary buǵattalǵan.
Reseı
Kórshi elde blogerler tóleıtin salyqtar bıznesti tirkeý nysanyna (ózin-ózi jumyspen qamtý, jeke kásipker nemese JShS) baılanysty.
Tabysy 2,4 mln rýblge deıin jetetin bloger ózin-ózi jumyspen qamtýshy retinde tirkele alady. Al eger qyzmetkerleri bolsa jáne kirisi 2,4 mln rýblden assa, onda jeke kásipker retinde tirkeledi.
Ózin-ózi jumyspen qamtyǵan jaǵdaıda zańdy tulǵalar men jeke kásipkerlerden (IP retinde tirkelgenderden) alynatyn tabys salyǵy 6%, al jeke tulǵalardan alynatyn salyq 4% quraıdy.
Jeke kásipkerlerge salynatyn salyqtar salyq júıesine jáne aımaqqa baılanysty: ońaılatylǵan salyq júıesi boıynsha — 1-15%, jalpy salyq júıesi boıynsha — 13-15%, QQS — 20%-ǵa deıin.
Qazir Reseıde bloger Elena Blınovskaıaǵa qatysty sot isi júrip jatyr. Bul protsess ótken jyldyń tamyz aıynyń sońynda bastaldy.
- Tergeýshilerdiń aıtýynsha, Blınovskaıaǵa 2019-2021 jyldary bıznesti bólshekteý shemalaryn paıdalana otyryp, 900 mln rýblden astam salyq tóleýden jaltarý aıyby taǵylǵan. Ol 2023 jyldyń sáýirinde ustaldy, - dep jazdy TASS.