Álem elderiniń sýretshileri ıslam mádenıetin beınelegen týyndylaryn kópshilikke usynady
ASTANA. QazAqparat - Qazan aıynda Dýbaıda «Ahlan Art» londondyq galereıasynyń ekspozıtsııasy ashylady, oǵan BAÁ elderine kelgen túrli elderdiń sýretshileriniń ıslam mádenıetin beınelegen 35 eńbegi qoıylady.
«Islam rýhy» atty kórmege Azııa, Afrıka, Ulybrıtanııa jáne Taıaý Shyǵys elderiniń qylqalam sheberleri qatysady, dep habarlaıdy The National. Olar óz týyndylary arqyly qasıetti Quran men qajylyqtyń mán-mańyzyn ashyp kórsetýge umtylady.
Qazan aıynyń ekinshi aptasynda bastalyp, 18 qazanda aıaqtalatyn kórmedegi basty baǵaly týyndylar álemdik dańqqa ıe ıslam áleminiń sýretshileri Sıddıka Djýma (Siddiqa Juma) men Pıter Gýldtiń (Peter Gould) ónerleri bolmaq. Kórermender kórme barysynda sýretshilermen kezdesý múmkindigine ıe bolady.
